Temwanyaz bann partisipan kin swiv kour “English Literacy” kot Seychelles Institute of Distance and Open Learning” (SIDOL)
Partisipan nimero 1
Non: Hafsah Bibi
Laklas: English level 1
- Pour ki rezon ki ou ti deside swiv sa bann kour?
Mon anvi aprann lire k ekrir lo mon menm. Mon anvi ouver mn prop biznes alor mon bezwen kapab lir.
- Ki ti ou lekspektasyon ler ou’n vin swiv sa laklas?
Mon ti napa gran lekspektasyon. Mon ti pe pans en laklas normal parey kot lekol.
- Eski ou lekspektasyon in ganny zwenn?
Mon war laklas pe deroul normal. Mon vreman apresye e mon kontan vi ki mon wvar en amelyorasyon e sanzman. Mon war menm mon rezilta in vin pli meyer.
- Eski ou’n deza swiv okenn lezot laklas Literacy apard angle?
Non, mon pa’n zanmen deza swiv okenn sa bann laklas oparavan.
- Ki ou panse lo sa linisyativ ki gouvernman in pran pou ofer laklas literacy ek manm piblik?
Sa I en bon linisyatif lo la par gouvernman, mon vreman apresye ki gouvernman in fer sa bann laklas akoz I donn d=bann dimoun en dezyenm sans.
- Ki konsey ki ou kapab ofer lezot dimoun kipe ezite zwenn laklas literacy?
Mon pou dir bann lezot dimoun si zot bezwen ledikasyon fodre zot aprose e vin laklas. Sa laklas I pou ed zot en kantite e I pou fer ou bouz pli devan.
Partisipan nimero 2
Non: Neil Aggrippe
Laklas: English level 1
- Pour ki rezon ki ou ti deside swiv sa bann kour?
Pandan mon lanfans mon fanmiry in fer fas avek bokou sitiasyon, e pandan sa letan I pa’n fasil pou mwan kontiny mon letid fason ki mon ti a voudre. La vi ki mon en adilt, mon santi mon bezwen plis lakonnesans pou mon prop lekor e menm pou mwan kapab asiste avek lapratisaz mon de zanfan.
- Ki ti ou lekspektasyon ler ou’n vin swiv sa laklas?
Mon anvi dan en pozisyon pou ed mon zanfan avek zot travay lekol e osi diriz mon zanfan dan en direksyon ki zot pa ganny sa defayans parey mwan.
- Eski ou lekspektasyon in ganny zwenn?
Monn benefisye bokou avek sa bann lesonn e in ed mwan dan plizyer fason
- Eski ou’n deza swiv okenn lezot laklas Literacy apard angle?
Non mon pa’n dezan fer okenn laklas literacy apard angle
- Ki ou panse lo sa linisyativ ki gouvernman in pran pou ofer laklas literacy ek manm piblik?
I en bon linisyativ e I kapab ed en kantite dimoun devlope.
- Ki konsey ki ou kapab ofer lezot dimoun kipe ezite zwen sa laklas literacy?
Mon pou ankouraz bann dimoun pou zot pran lo zot menm. Sa laklas I pou ed zot bouz pli devan. Mon pran legzanp lo mon menm, keksoz ki mon pa ti kapab fer oparavan la mon war mwan mon kapab fer zot.
Partisipan nimero 3
Non: Brina Jeremie
Laklas: English level 3
- Pour ki rezon ki ou ti deside swiv sa bann kour?
Pour mwan kapab aprann plis akoz ti annan bokou mo angle ki mon ti pe ganny difikilte avek. Mon pa ti konn bokou vokabilier angle, menm zot signifikasyon e ki fason pou servi sa bann mod an fraz.
- Ki ti ou lekspektasyon ler ou’n vin swiv sa laklas?
Mon ti pli anvi konnen ki fason pou ekrir sa bann mo e fason ki zot ganny servi.
- Eski ou lekspektasyon in ganny zwenn?
Monn benefisye en kantite sirtou in ed mwan dan mon travay. Dan mon travay mon ekrir bokou let e reponn bokou email. Atraver sa laklas, monn reisi konnen e amelyor fason ki mon pou ekrir bann let, e servi bann mo ki apropriye sirtou letan mon pe reponn bann korespondan a letranze.
- Eski ou’n deza swiv okenn lezot laklas Literacy apard angle?
Non, mon pa’n deza swiv okenn lezot laklas apard angle.
- Ki ou panse lo sa linisyativ ki gouvernman in pran pou ofer laklas literacy ek manm piblik?
I en bon linisyativ e en bon keksoz ki kapab ed bokou zenn e dimoun a laz.
- Ki konsey ki ou kapab ofer lezot dimoun kipe ezite zwen sa laklas literacy?
Pa les lafreyer pran akoz pou ou swiv sa laklas I en swa. Zis pran dan ou menm e bouz devan. Sa laklas in benefisye mwan bokou sirtou dan mon travay kwotidyen e I pou ed zot osi.